green
merron
blue
brown
Blue

You are here

திட்டம்,வளர்ச்சி மற்றும் சிறப்பு முயற்சிகள் துறை
Contact details
Minister

திரு ஓ .பன்னீர்செல்வம்

நிதி, திட்டம், சட்டமன்றம், தேர்தல்கள் மற்றும் கடவுச் சீட்டுகள், வீட்டு வசதி, ஊரக வீட்டு வசதி மற்றும் வீட்டு வசதி மேம்பாடு, குடிசை மாற்று வாரியம் மற்றும் இடவசதிக் கட்டுப்பாடு, நகரமைப்புத் திட்டமிடல், நகர்ப்பகுதி வளர்ச்சி, சென்னை பெருநகர் வளர்ச்சிக் குழுமம்

Secretary to Government

T.V சோமநாதன் IAS., ( அரசு முதன்மை செயலாளர் )

தொலைபேசி 25674310

மின்னஞ்சல் plansec@tn.gov.in

துறை சுயவிபரம்

மாநிலத் திட்டங்களைத் தயாரித்தல் மற்றும் மாநிலத் திட்டச் செலவினங்கள், வறுமை ஒழிப்புத் திட்டங்கள், இருபது அம்சத் திட்டம், மத்திய அரசு பொறுப்பேற்கும் திட்டங்கள் ஆகிய திட்டங்களைக் கண்காணித்து ஆய்வு செய்தல் ஆகியவை திட்டம், வளர்ச்சி மற்றும் சிறப்பு முயற்சிகள் துறையின் முக்கியப் பொறுப்புகள் ஆகும். இந்த நோக்கத்திற்காக பல்வேறு அரசுத்துறைகளுடன் ஒருங்கிணைந்தும் மற்றும் நிருவாகத்துறை என்ற முறையில் மாநிலத்திட்டக்குழு, பொருள் இயல் மற்றும் புள்ளி இயல் துறை, மதிப்பீடு மற்றும் செயல்முறை ஆராய்ச்சித் துறை ஆகிய துறைகளின் வல்லுநர்களின் சிறப்புத் திறமைகளைப் பயன்படுத்திக் கொள்கிறது. இத்துறை, அரசு கொண்டுவரும் புதிய திட்டங்களில் ஒருங்கிணைந்த செயல்பாடுகளைச் செய்வதுடன் துறையின் சிறப்பு முயற்சிகள் பிரிவினரால் மேற்கொள்ளும் சென்னை மெட்ரோ இரயில் திட்டம் உட்பட சிறந்த, புதிய பல்முனைத் திட்டங்கள் மற்றும் கொள்கைகளை வடிவமைத்து செயல்படுத்தும் முயற்சிகளை மேற்கொள்கிறது.

10 முக்கிய நடவடிக்கைகள்

1.ஐந்தாண்டுத் திட்டங்களையும் ஆண்டுத் திட்டங்களையும் தயாரிப்பதுடன் மத்திய திட்டக்குழுவுடன் இணைந்தும் செயல்படுதல்,

2.தொலைநோக்குத் திட்டம் தயாரித்தல், ஐந்தாண்டுத் திட்டத்தின் இடைநிலை ஆய்வு செய்தல், வளர்ச்சிக் குறியீட்டை அளவிடல், பெரிய அளவிலான திட்டங்களை மதிப்பீடு செய்தல், மாநிலத்தின் இயற்கை வளங்களான நிலம் மற்றும் நீர் பயன்பாடு குறித்த இயற்கை வளங்களின் மதிப்பீடுகள் உட்பட முக்கிய திட்டங்களைத் தயாரித்து, செயல்படுத்துகின்ற திட்டங்களின் மீதான ஆய்வுகள் மேற்கொள்ளுதல்,

3.திட்டப்பணிகள், இருபது அம்ச திட்டம், மத்திய அரசு பொறுப்பேற்கும் திட்டங்கள், மத்திய மாநில அரசுகள் பகிர்ந்துகொள்ளும் திட்டங்கள் ஆகியவற்றை ஆய்வு செய்தலும் கண்காணித்தலும்,

4.பெரிய அளவிலான உள்கட்டமைப்பு வசதிகள் திட்டங்களின் முன்னேற்றம் குறித்து ஆய்வு செய்தலும் கண்காணித்தலும்,

5.தொலையுணர்வு புவியியல் தகவல் அமைப்புகளை உருவாக்கி பயன்படுத்துவதற்கு வளர்ச்சியை ஏற்படுத்துதல் போன்ற பல்வேறு அரசுத் துறைகள் மற்றும் முகமைகளை உள்ளடக்கிய சிறப்புத் திட்டங்களைச் செயல்படுத்துவதற்காக ஒருங்கிணைந்து செயல்படுதல், கடந்த காலங்களில், கணினிமயமாக்குவதிலும் உலக வர்த்தக அமைப்பின் கொள்கைகள் மற்றும் அதனால் மாநிலத்தில் ஏற்படும் தாக்கம் குறித்த மாநிலத்தின் அணுகுமுறையினை வகுப்பிலும் துறை முன்னனி வகித்தது.

6.மாநில வருவாய் மதிப்பீடுகள், பொருளாதாரக் கணக்கெடுப்பு, வேளாண் கணக்கெடுப்பு, சிறப்பு ஆய்வுகள், மாநிலப் பொருளாதாரத்தின் மாதாந்திர அறிக்கைகள் ஆகியவை குறித்து பொது மற்றும் தனியார் துறைகளிலிருந்து புள்ளி விவரங்களை சேகரித்தல், தொகுத்தல், விளம்பரப்படுத்தல்,

7.திட்டப்பணிகள், மத்திய அரசு பொறுப்பேற்கும் திட்டங்கள், வெளிநாட்டு நிதி உதவி பெறும் திட்டங்கள் ஆகியவற்றை மதிப்பீடு செய்தல்,

8.மலைப்பகுதி மேம்பாட்டுத் திட்டம், மேற்கு மலைத் தொடர் மேம்பாட்டுத் திட்டங்கள் போன்ற சிறப்பு அல்லது புதிய திட்டங்களை உருவாக்குதலும் செயல்படுத்துதலும்,

9.சிறப்பு முயற்சிகள் பிரிவின் கீழ் மெட்ரோஇரயில் திட்டத்தினை தொடங்குதல், மற்றும்

10.மாநிலத் திட்டக்குழு, பொருள் இயல் மற்றும் புள்ளி இயல் துறை, மதிப்பீடு மற்றும் செயல்முறை ஆராய்ச்சித்துறை ஆகிய துறைகள் செயல்படுவதற்கான வசதிகள் செய்தல்.

திணைக்களங்கள் மற்றும் பொதுத்துறை நிறுவனங்களின் தலைவர்களை பற்றிய விபரங்கள் தொடர்புக்கு